Gude, die Herrschafte,
de Köhler hat e neu Lied uffgenomme, awer mal was ganz anneres. Folgendes Zwiegespräch hat sich zugetrage:
Er: Isch hab e neu Lied!
Isch: Was fer eins?
Er: E Kerschelied.
Isch: Was?
Er: Ja, e Kerschelied. „Gott sei gelobet und gebenedeiet.“ Bei mir heißt´s „Kyrieleison“. Die Musik is von 1390 un de Text zum Teil vom Martin Luther, 1500 un ebbes…
Isch: Na, endlich emal was Modernes! Un was kommt als nächstes? Walther von de Vogelweide odder gleich de Neandertal Mann? Kyrieleison heißt im Übrige „Gott erbarme dich“. Des passt ja ganz gut zu dir…
Er: Isch hatt da was im Kopp, des musst isch mal mache. Isch spiel des annners, hab quasi e Art Refrain gemacht un noch e bißje was hinzugefügt…
Isch: Owei! Prost Neijohr!
Er: Nit Prost Neijohr, frohes Pfingstfest!
Ich: Ah ja , dann halt frohe Pfingste!
Meine Verehrung
Ihne Ihrn Kunrad
P.S.: Es Lied is uff dekunrad.de unner „Lierer“ odder bei facebook gleich hier drunner.